జీ తెలుగులో ప్రసారమవుతున్న సీరియల్ 'జయం'(Jayam). ఈ సీరియల్ శుక్రవారం నాటి ఎపిసోడ్ -68 లో....రుద్ర గురించి గంగ ఆలోచిస్తుంది. అప్పుడే తన అంతరాత్మ బయటకు వస్తుంది. అసలు రుద్ర సర్ కి నీకు ఎలా సెట్ అవుతుంది. తను కోటీశ్వరుడు తను క్లాస్ .. మరి నువ్వు మాస్ అని అంతరత్మ చెప్తుంది. ఇంకా చెప్పాలంటే రుద్ర సర్ ప్రేమించిన అమ్మాయి ఒకవేళ వస్తే ఏం చేస్తావని అంతరాత్మ గంగని ప్రశ్నిస్తుంది.

ఆ తర్వాత రుద్ర ప్రేమించిన అమ్మాయి గురించి ఇంట్లో వాళ్ళని అడిగి తెలుసుకోవాలనుకుంటుంది గంగ. అప్పుడే స్నేహ దగ్గరికి గంగ వెళ్లి.. రుద్ర మాజీ లవర్ గురించి అడుగుతుంది. నువ్వే వెళ్లి మా అన్నయ్యని అడుగుమని స్నేహ అంటుంది. ఆ తర్వాత గంగ రాత్రి రుద్రకి ఫోన్ చేస్తే లిఫ్ట్ చెయ్యడు.. ఉదయం లేచిన రుద్ర ఇన్ని సార్లు ఎవరు చేశారని  ఫోన్ చూసుకొని రిటర్న్ కాల్ చేస్తాడు. రుద్ర సర్ ఫోన్ చేసాడని గంగ పట్టరాని సంతోషంతో అందరికి నాకు ఫోన్ వచ్చిందంటూ సంతోషంగా చెప్తూ ఇల్లంతా తిరుగుతుంది. అప్పుడే రుద్ర ఎదురుపడతాడు. ఏంటి పిచ్చిపట్టినట్లు ప్రవర్తిస్తున్నావని రుద్ర తనపై కోప్పడతాడు.

ఆ తర్వాత గంగ దగ్గరికి పెద్దసారు వెళ్లి.. నీకు ఫోన్ చేసింది ఎవరు.. నీ ప్రేమ గురించి చెప్పావా అని అడుగుతాడు. లేదు ట్రై చేస్తున్నానని గంగ చెప్తూ మళ్ళీ అదేం లేదని అంటుంది. అప్పుడే లాయర్ వస్తాడు. లాయర్ వచ్చి సీన్ రీక్రియేట్ చేసాం కదా అందులో రుద్ర తప్పేం లేదని కోర్ట్ నమ్ముతుందా అనగానే అందరు హ్యాపీగా ఫీల్ అవుతారు. వెంటనే ఈ విషయం శకుంతలకి చెప్పాలి స్వీట్ చెయ్యండి అని పెద్దసారు అనగానే.. అది భాను డెత్ గురించి మీరు అలా అంటున్నారని ఇషిక అంటుంది. నాకూ తెలుసు కానీ రుద్ర తప్పు చెయ్యలేదని తెలిసింది కదా అని పెద్దసారు అంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.